Kampusi im

Home » Sugjerime » Rrëfimi i shkrimtarit: Si e fsheha librin e Fishtës nga frika se do më dënonin gjithë familjen

Rrëfimi i shkrimtarit: Si e fsheha librin e Fishtës nga frika se do më dënonin gjithë familjen

Agron-Tufa-per-Fishten-1-696x476.jpg

Studentët e nismës studentore “Një shtëpi, një mburojë për trashëgiminë kulturore” organizuan mbrëmjen poetike kushtuar veprës së Gjergj Fishtës, me pjesëmarrjen e shkrimtarëve, pedagogëve e studentëve të shumtë.

 

 

 

Në hapje të aktivitetit, menaxherja e kësaj nisme, studentja Boralda Haxhillari theksoi ndjeshmërinë e temave të tilla dhe bëri thirrje për më shumë vëmendje ndaj kulturës së trashëguar nga njerëzit e mëdhenj të kombit, si Fishta.

Shkrimtari dhe poeti i njohur Agron Tufa, i cili ishte edhe moderator i aktivitetit, tha se qëllimi i këtij aktivitetit është ripërtëritja e marrëdhënies së lexuesit e qytetarit me Fishtën. Ai vlerësoi studentët që sjellin në vëmendje një figure që fisnikëron shoqërinë shqiptare, me gjithë kontributin e tij në fusha të ndryshme.

 

Agron-Tufa-per-Fishten-2

 

“Kjo nismë vjen në momentin e duhur. Shtëpia muze që studentët synojnë të ndërtojnë është një mundësi edukative, njohëse, e krenarisë dhe fisnikërimit të brezave të ardhshëm”, – u shpreh Tufa.

Aktiviteti përcolli një imazh të veprës dhe jetës së Fishtës si poet e atdhetar, i cili me veprën e tij mbetet aktual në çdo kohë.

“Fishta i thur vargje shqiptarit me virtytet më të mira dhe me kritika therëse. Ai shpjegon shqiptarin siç duhet të jetë, siç do të donte Fishta të ishte dhe jo ashtu siç është”, – shpjegoi Agron Tufa.
Ndërsa ishte i zhytur në botën e veprave të Fishtës, Tufa ndau një sekret të rinisë së tij. Ai tha se para shumë vitesh i dhanë një vepër të Gjergj Fishtës, dhe nga frika se mos i dënonin familjarët, e lexonte dhe e linte librin jashtë ambienteve të shtëpisë.

Ndërsa shkrimtarja Anrila Spahija (Ana Kove), në nisje të fjalës së sajë ajo bëri një propozim. Që të emërohet një profesion i ri dhe ai të quhet “Fishtolog” për shkak të krijimtarisë së tij të rëndësishme dhe kontributit për shtetin shqiptar.

Më pas ajo bëri një panoramë të mungesës së njohjes së Fishtës ndër breza, për shkak të ndalimit dhe censurës që ka jetuar vepra e tij. Ajo shprehu gatishmërinë e saj për të ndihmuar studentët dhe nismën “Një shtëpi, një mburojë për trashëgiminë kulturore” për të çuar në vend qëllimin e tyre fisnik.

“Kur dëgjoj apo lexoj Fishtën, përballem me një fjalor dhe nivel të atillë të përdorimit të gjuhës sa i them vetes ‘pse shkruan’”, – shprehu Ana Kove vlerësimin e saj për poetikën e Fishtës.

Aktiviteti u pasurua me recitime nga studentët të cilët i emocionuan të pranishmit dhe zgjuan tek ata ndjenjën e të bukurës dhe kureshtjes për të njohur më tepër. I ardhur nga Shkodra posaçërisht për këtë aktivitet, gazetari dhe poeti Erisad Lugjaj interpretoi satirën “Gomari i Babatasit” që shkaktoi sa të qeshura aq edhe kritika të prekshme në realitetin shqiptar.

Ndërsa studentja Melisa Harusha solli poezinë “Nji lule vjeshtet” në një recitim plot ndjenjë që përloti të pranishmit. Po ashtu studentet Arjola Buzi dhe Luljeta Halimi sollën përkatësisht poezitë “Shqypnia” dhe “Gjuha Shqype”, plot mesazhe dhe vlera artistike.

Aktiviteti përfundoi duke shënuar një tjetër hap të rëndësishëm dhe duke bashkuar më shumë zëra në përmbushjen e qëllimit final: përjetësimit të veprës së Gjergj Fishtës përmes një muzeu në vendin ku ai lindi.

 

/bw

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: